O Hellfest 2026 vén de anunciar trocos no seu cartel por “razóns alleas á súa vontade”. As bandas Pogo Car Crash Control, Primitive Man e Austere cancelan a súa participación, pero o festival xa confirmou substitucións á altura, garantindo que a intensidade non baixe en ningún momento.

Dying Wish substitúe a Pogo Car Crash Control na Warzone
O venres 19, no escenario Warzone, a banda estadounidense Dying Wish ocupará o lugar de Pogo Car Crash Control. Co seu hardcore melódico cheo de forza e enerxía, prometen manter o público en constante movemento e coa adrenalina ben alta durante todo o concerto.

Conjurer entra na Valley no lugar de Primitive Man
Tamén o venres 19, pero desta volta no escenario Valley, os británicos Conjurer substituirán a Primitive Man. Coa súa mestura de sludge, doom e post-metal, achegarán unha atmosfera escura e envolvente que non deixará indiferentes ás persoas amantes dos sons máis extremos.

Midnight Odyssey reemplaza a Austere no Temple
O domingo 21, no Temple, o proxecto australiano Midnight Odyssey collerá a substitución de Austere. O seu black metal atmosférico, cargado de matices ambientais, ofrecerá unha viaxe sonora profunda e hipnótica, ideal para pechar a xornada cunha experiencia diferente.

Dende a organización aseguran que estas incorporacións reforzan o cartel e manteñen intacta a diversidade e calidade dun dos festivais máis importantes do metal a nivel mundial. Para máis información e actualizacións, recoméndase consultar a app oficial do festival e a páxina web www.hellfest.fr