O festival portugués, que se celebrará os vindeiros días 8, 9 e 10 de agosto na localidade de Moledo de Miño,  anunciou no día de hoxe o reparto de grupos nas tres xornadas de festival.

O Sonic Blast confirmaba fai pouco máis dun mes ao grupo sueco de Graveyard, xunto coas lendas de NOLA Eyehategod, os californianos Earthless e as súas jams cósmicas, aos noruegos The Devil And The Almighty Blues, ao grupo alemán de Heavy Stoner Bluescore High Fighter, ao power duo mexicano Cardiel e aos portugueses Jesus the Snake!

Este último anuncio de bandas, unido aos grupos xa confirmados (entre moitos outros destacamos a bandas como: OM, Orange Goblin, Monolord, My Sleeping Karma, Windhand, Lucifer , The Obsessed e moitos máis); fai que esta novena edición do festival portugués sexa a máis destacada, sen perder a súa aposta polo stoner, doom, rock psicodélico, fuzz rock e demáis vertentes.

Ainda faltan cinco grupos máis para pechar o seu cartaz, e moi pronto a organización anunciará os horarios das actuacións. Lembramos que o festival conta con dous escenarios, o pool stage na piscina, e o escenario principal nun parque que está situado a escasos metros da mesma piscina. E que conta con camping gratuito, situado moi preto da praia de Moledo.

A partir de hoxe pódense adquirir as entradas de día (35 euros máis gastos), así como o abono de tres días. Calendario de precios do Abono para os 3 días:

Pódense mercar a través da páxina web http://www.masqueticket.com

https://www.masqueticket.com/entrada/536-sonicblast-moledo-2019

Ou en Portugal en toda a rede Bol (lojas Fnac, Worten, Ctt’s…).

Máis información na páxina web do festival www.sonicblastmoledo.com/

Non te durmas, porque os dous últimos anos o festival colgou o cartel de billetes esgotados. ¿A qué esperas insensato?

Vémonos en Moledo. Longa vida ao Sonic Blast.

Stay Pelletier