O festival de Gazteiz confirmou no día de hoxe ao músico estadounidense Luke Winslow-King, aos seus compatriotas The London Souls , aos británicos Raveneye, e The Flying Scarecrow a banda de Sopelana gañadora da última edición do Vila de Bilbao na categoría de Metal.

  Estes grupos únense a Blackberry Smoke, Refused, Radio Birdman, Daniel Romano, Buffalo Killers, e 091.

  A verdade é que estas catro últimas confirmacións non son un gran anunciamento,son boas bandas, pero non de primeiro nivel. Agardemos que o Azkena aínda nos depare algunha gran banda. Tendo en conta que o festival coincide nas mesmas datas que o Hellfest ou o Graspop (17 e 18 de xuño),sempre poden fichar algún grupo de primeiro nivel que pase por estes festivais, como fixeron con Refused. Será compricado, por non dicir imposible, que o End Tour de Black Sabbath chegue a terras vascas. Pero bandas como Dropkick Murphys, Turbonegro, Kadavar, Fu Manchu, Hermano, ou Joe Satriani; poderían perfectamente encaixar neste festival.

Aínda queda tempo para que os de Last Tour nos sorprendan con algún bombazo.