Sol, mar, praia, surf, piscina, skate e música. Así é como se publicita o festival SonicBlast de Moledo que terá lugar os días 12 e 13 de agosto. Se a isto lle engadimos olor a cigarros da risa, barbas a tutiplén, tattoos de deseño, bo ambiente e un pouco de postureo hipster (todo hai que dicilo), teremos unha boa descripción do que nos espera neste festival do norte lusit-ano orientado ao Stoner e a Psicodelia. Un plan que en Pelletier Horror non nos pensamos perder.

O ano pasado algún pelletiers xa puidemos desfrutar de concertazos, como o de Greenleaf, Belzebong e como non, o iconico e idolo pelletier, á par que enxendro, Bobby Liebling, que a parte de non probalo, deu un show digno de ver coa sua banda Pentagram.

O SonicBlast ofrece unha zona de acampada gratuita ao lado da praia, con un ambiente familiar e tranquilo, este é só unha das multiples comodidades que ofrece este festival, a parte de bebida barata e comida local a precios populares. Non verás os habituais postos de fast food graxenta e cara que vemos nos festivais. En Moledo encontrarás postos de comida típica, onde podes comer feijoada con arroz ou unha cunca de caldo verde por 1 puto euro.

A todo isto, hai que sumarlle que nos concertos da tarde o escenario está ubicado na piscina municipal. Alí podemos disfrutar dos concertos á vez que nos damos un chapuzón, ou nos revolcamos polo céspede (Superbock ben peleteira en man), nun ambiente festivo- veraniego,  non botaras de menos os sudorosos mosh pits aos que estás acostumado.

¿E qué máis se pode pedir? Pois música fetén, e nesta edición iso está cuberto cun cartaz excepcional, encabezado polos grupos norteameric-anos All Them Witches e Valient Thorr, os suecos Truckfighters e os ingleses Uncle Acid & The Deadbeats  (que substituen aos caidos EYEHATEGOD), tamén poderemos ver a bandas como Salems Pot, Sacri Monti ou Stoned Jesus, ademais  dunha boa selección bandas locais e tamén representación galega con Bala e Milhomes.

En definitiva, SonicBlast ofrécenos a fin de semana do 12 e 13 de agosto unha proposta á que non podemos rexeitar. A continuación atoparedes ligazóns con info do cartaz completo, así como dos prezos das entradas e puntos de venda. 

Bandas: https://sonicblastmoledo.wordpress.com/bands/

Tickets: https://sonicblastmoledo.wordpress.com/tickets/ 

Vemonos no SonicBlast!

Stay Pelletier!