Non fai nin cinco días que o festival vivairense anunciaba a IRON MAIDEN, e no día de onte enterabamonos das confirmacións de sete grupos máis: MADBALL, NOT FUN AT ALL, THE CASUALTIES, FRANK CARTER & THE RATTLESNAKES, RISE OF THE NORTHSTAR, ANGEL CREW, e  TRUE MOUNTAINS.

    Neste novo anunciamento os máis “haters” e “trollers” das redes sociales do Resu, van ter que trocar os seus comentarios. Xa non poden dicir “hai pouco hardcore”, ainda que xa líamos queixas de que había “grupos repetidos de edicións anteriores” e que xa os viran “mil veces”. Na miña opinión, se gostas realmente dunha banda, non che impotaria vela “miles de veces”. A cuestión é queixarse por todo.

    Un concerto que seguro que non viron nunca no Resurrection, a non ser que os viran nun concerto especial para os Resu Kids no 2014, é o dos nosos colegas os TRUE MOUNTAINS. A banda de Pérez e Nacho farán un show especial  onde trocarán o seu acoustic punk rock, por sons máis “eléctricos”. Estou seguro que nese concerto haberá máis dunha sorpresa.

   Outro grupo que non visitou o campo de Celeiro é FRANK CARTER & THE RATTLESNAKES, aínda que o exvocalista de Gallows actuou no campo de fútbol de Covas na edición do 2010 con dita banda. Os británicos presentarán o seu disco debut “Blossom”.

    No 2007 xa visitaron Viveiro os ANGEL CREW, O grupo holandes/belga descargará o seu potente hardcore novamente no Resurrection.

    Un ano máis tarde, no 2008, os suecos NOT FUN AT ALL actuaban na terceira edición. E o ano que ven os amantes do Punk Rock poderán volver a disfrutalos.

     Era no 2013 cando THE CASUALTIES e RISE OF THE NORTHSTAR pisaban o festival mariñán. Os “newyorkinos” deixaron un bo sabor de boca en aquel show, e seguro que novamente non defraudarán. E que dicir dos franceses RISE OF THE NORTHSTAR, na miña opinión uns dos grupos que están máis en forma no panorama europeo e mundial do Hardcore. Aínda treme o campo da Warzone en Clisson, por un dos mellores concertos que vin este ano no Hellfest. Non sei ti, pero eu este concerto vouno marcar ben para non perdelo.

   E deixo para o final o mellor. Falar de MADBALL e RESURRECTION  é falar de amizade, familia, irmandade, e podería poñer mil e un adxectivos máis para describir esta “comunión” entre “newyorkinos” e vivairenses. 2007,2008, 2009 e 2013 foron os anos nos que Madball “demostraron o seu estilo” no Resu. E no 2012 tocaron no Casino de Viveiro, como parte da xira de presentación do Resu dese ano. No 2016 farán un concerto moi especial tocando o seu disco “Demonstrating My Style” na sua totalidade, ademáis dos seus grandes éxitos. E os organizadores do festival prometen sorpresas neste show.

      Eu non sei que pensades, pero como xa dixen antes, se gostas dun grupo creo que podes velos repetidas veces. Opino que o Resurrection Fest segue por bo camiño, non perde as súas raíces e ofrécenos unha gran variedade de  estilos. E iso nun festival de tres días é bo. Tanto para descubrir novos grupos que ao escoitalos no disco non che motivan tanto e véndoos en directo flipante. Como para “descansar” de tantos concertos e aproveitar para comer, visitar o Merch, ir para a tenda,  visitar a os simpáticos punkis da porta que che venden bebidas e outros menesteres que fan máis amena a estancia no festival, ou facer o que che pete.

      E a todo isto aínda faltan case 50 bandas por confirmar. Para min depois do Hellfest é a data máis agardada de todo o ano. Cunha lixeira diferencia de que para ir o Hellfest teño que conducir 1200 km, e para ir o Resu teño que conducir 15 km. Dende Pelletier Horror agardamos con impaciencia que cheguen xa esas esperadas datas.

  Stay Pelletier.